Noqo Bixiye LNL ah

Barnaamijka Kaalmada Daryeelka Carruurta iyo Bixiyeyaasha Aan Shatiga Lahayn ee Sharciga ah

Daryeelayaasha qoyska, saaxiibka iyo deriska (FFNs) waa eedooyin/habaryarro, abtiyaal/adeerro, awoowayaal, saaxiibo qoys oo dhow iyo deris bixiya daryeelka carruurta. Badanaa waa qof gacal u ah ilmaha oo iskuma tixgaliyaan sidii bixiyaha daryeelka carruurta. Taa beddelkeeda, waxaa laga yaabaa inay isu arkaan inay yihiin ilmo-xanaaneeye ama gacal u dhow oo keliya. Haddii daryeelayaasha ay ku daryeelaan carruurta kaalmada daryeelka carruurta, waxa laga yaabaa in ay isu diiwaangeliyaan bixiye aan shati lahayn ahaan (LNL) si ay lacag uga helaan Barnaamijka Kaalmada Daryeelka Carruurta.

Baro wax badan oo ku saabsan noqoshada xirfadlaha daryeelka caruurta oo shatiyaysan, oo ay ku jiraan LNL, daryeelka carruurta qoyska iyo xarunta daryeelka carruurta, barta Daryeelka Carruurta ee Wayfinder . Wayfinder waa shabakadaada tusaha ee aad ka helaysid dhammaan waxaad uga baahan tahay bilowga iyo ukoncinta barnaamijyada daryeelka carruurta. Waxay bixiyaan taageero shakhsi ahaaneed iyo khayraad si ay kaaga caawiyaan inaad guulaysato.

Xog badan ogoow

Waa maxay shuruudaha looga baahan yahay bixiye sharci ah oo aan shatiyaysnayn?
- Waa inaad jirtaa ugu yaraan da'da 21 sanno;
- Aan isku guri ku noolayn ilmaha qoyskiisu codsanayo ama helaya kaalmada daryeelka carruurta
- Waa inaad buuxisaa shuruudaha baarista taariikheed
- Waa inaad buuxisaa shuruudaha tababarka
- Uma daryeeli kartid wax ka badan hal qoys oo aadan qaraabo la ahayn markiiba. Qaraabo macneheedu waa inaad tahay walaal, awoowe/ayeeyo, eedo/habaryar, ama adeerka/abtiga ilmaha.
- Waa inaad buuxisaa tirada kooxda iyo xadka da'da. Waxaad hal mar daryeeli kartaa ilaa siddeed carruur ah oo da'doodu tahay 12 iyo ka yar.
Imisa lacag ah ayuu Barnaamijka Kaalmada Daryeelka Caruurta i siin doonaa?
Barnaamijka Kaalmada Daryeelka Carruurta ayaa bixiyeyaasha LNL ku lacag siiso sicir saacadiiba ah. Sicirka saxda ah wuxuu ku xiran yahay degmada daryeelka lagu bixiyo, da'da ilmaha, iyo haddii bixiyaha LNL uu haysto wax aqoonsi ama shahaadooyin ah.

Loogu talagalay bixiye aan lahayn aqoonsi ama shahaadooyin:
- Heerarka Sicirada ugu badan ee Caadiga ah - Wax kala duwanaansho Tayo ah ma Jirto
  - Heerarka Daryeelka Carruurta- Heerarka Sicirada ugu badan ee Caadiga ah - dhaqangal ah 10/30/2023 (state.mn.us)
Bixiyaha leh shahaadooyin ama aqoonsiyo, sida shahaadada Kobaca Carruurta (Child Development Associate) ama waxbarashada ka qaatay kobaca carruurta ama waxbarashada caruurnimada hore:
- 15% Kala duwanaanta Tayada Heerarka Sicirada ugu Badan
  - Heerarka Daryeelka Carruurta - 15% Kala duwanaanta Tayada Heerarka Sicirada ugu Badan - dhaqangal ah 10/30/2023 (state.mn.us)
Waa maxay baaritaanka taariikheed ee looga baahan yahay bixiye sharci ah oo aan shatiyaysnayn?

Bixiyaha sharci ah ee aan shatiyaysnayn iyo xubin kasta oo qoyska ka mid ah oo da'doodu tahay 13 iyo ka weyn waa in lagu sameeyaa baaritaan taariikheed oo qayb ka ah nidaamka diiwaangelinta. Hadda, DHS waxay bixinaysaa kharashka baaritaanka taarikheed ee dhammaan bixiyeyaasha daryeelka carruurta, oo ay ku jiraan bixiyayaasha sharciga ah ee aan shatiyaysnayn.
Waa maxay tababarka looga baahan yahay bixiye sharci ah oo aan shatiyaysnayn?

Dukumeentigani wuxuu qeexayaa shuruudaha tababarka ee bixiyeyaasha LNL: https://edocs.dhs.state.mn.us/lfserver/Public/DHS-6419-ENG

Dhammaan bixiyeyaasha LNL waa inay bartaan CPR (neefsiinta qofka neefta ku xirmatay) ee carruurta iyo gargaarka degdegga ah ee carruurta. Tababarkan caadi ahaan waxa uu ku kacaa lacag.

Shuruudaha kale ee tababarku waxay ku xiran yihiin in LNL uu qaraabo la yahay ilmaha ay daryeelayo, iyo inta da'da ilmuhu yahay. Tababarradaas waxay looga heli karaa bilaash barta www.developtoolmn.org.
Booqashada kormeerka sanadlaha ah

Haddii bixiye sharci ah oo aan shatiyaysnayn aanu qaraabo la ahayn ilmaha ay daryeelayaan, Wakaalada CCAP waxay la jadwalayn doontaa booqasho kormeer guri bixiyaha LNL 12 bilood gudahooda marka daryeelka carruurta loo ogolaado inuu bilaabo.

Wixii CCAP ah, “garaabo la ah” waxa loola jeedaa in bixiyaha yahay ilmaha walaalkii, awoowe/ayeeyo, aboote, eedo/habaryar, ama adeerka/abtiga ilmaha, oo ku salaysan xiriirka dhiigga, guurka, ama go'aanka maxkamadda.
Bixiyeyaasha sharciga ah ee aan shatiyaysnayn ma u baahan yihiin inay bixiyaan Lambarka Sugnaanta Bulshada si ay isaga diiwaan galiyaan CCAP?
Maya, bixiyaha sharciga ah oo aan shatiyaysnayn ayaa bixin kara Lambarka Aqoonsiga Cashuur Bixiyaha Gaarka ah (ITIN) halkii uu ka bixin lahaa Lambarka Sugnaanta Bulshada.

Iyada oo qayb ka ah nidaamka diiwaangelinta CCAP, bixiyaha sharciga ah oo aan shatiyaysnayn waa inuu soo gudbiyaa foomka W-9. Shuruudaha W-9 waxaa ka mid ah:
- Bixinta midkood Lambarka Sugnaanta Bulshada ama Lambarka Aqoonsiga Cashuur Bixiyaha Gaarka ah (ITIN).
- Cadaynta inaad tahay Qof Ameerikaan ah. Qof Ameerikaan ah macnaheedu waa inaad tahay muwaadin Maraykan ah, ama shisheeye degganaansho haysta.
- Macluumaad dheeraad ah oo ku saabsan waxa ay ka dhigan tahay shisheeye degganaansho haysta:
  - https://www.irs.gov/taxtopics/tc851
  - https://www.irs.gov/individuals/international-taxpayers/resident-aliens
Sidee bay qoysasku u codsadaan Barnaamijka Kaalmada Daryeelka Carruurta?
Waxaa jira saddex siyaabood oo loo codsado kaalmada daryeelka carruurta:
- Buuxi Codsiga Barnaamijka Kaalmada Daryeelka Carruurta ee Minnesota DHS-3550 (PDF). Ku soo dir boosto ama keen foomka la buuxiyay xafiiska adeega aadanaha ee degmada ama qabiilka, ama wakaalada qandaraaska lagu siiyay ee deegaanka. Codsiga waxaa lagu heli karaa Hmong, Ruush, Soomaali, Isbaanish iyo Fiyatnaamiis.
- Buuxi foomka Codsiga Isku-dhafan - Lifaaqqa Daryeelka Carruurta DHS-5223D (PDF) haddii aad sidoo kale codsanayso lacag caddaan ah, iyo/ama kaalmo cunto. Ku soo dir boosto ama keen foomka la buuxiyay xafiiska adeega aadanaha ee degmada ama qabiilka, ama wakaalada qandaraaska lagu siiyay ee deegaanka.
- Ka codso onlayn ahaan barta MNbenefits.mn.gov.
Isu-diiwaangelinta LNL ahaan
Tusayaasha FFN ayaa kaa caawin kara habka diiwaangelinta LNL! Si aad isugu diiwaan geliso LNL ahaan:
- Hel Tuse Kuu Dhow
- La xiriir degmada ama wakaaladda adeegga bulshada ee qabiilka ee qoyska oo codso xidhmada diiwaangelinta bixiyaha
- Waxaad sidoo kale la xiriiri kartaa shaqaalaha kiiska CCAP ee qoyska si aad u bilowdo hawsha
- https://edocs.dhs.state.mn.us/lfserver/Public/DHS-5192-ENG-pform
Ma jiraan macluumaad dheeraad ah oo ku saabsan daryeelayaasha qoyska, saaxiibka iyo deriska?