Minnesota Lub Tuam Tsev Hauj Lwm Ntsig Txog Cov Kev Pab Cuam Tib Neeg (Minnesota Department of Human Services, DHS) lub khoos kas xa ntawv saib xyuas txog kev noj qab haus huv

Minnesota Lub Tuam Tsev Hauj Lwm Ntsig Txog Cov Kev Pab Cuam Tib Neeg (Minnesota Department of Human Services, DHS) yog tab tom muab ib-txoj kev xa ntawv rau cov neeg sau npe rau hauv Kev Pab Fab Kev Kho Mob (Medical Assistance, MA), MinnesotaCare, Minnesota Lub Khoos Kas Tawm Phiaj Xwm rau Tsev Neeg (Minnesota Family Planning Program), thiab Medicare Cov Khoos Kas Txuag Nyiaj (Medicare Savings Programs).

Tsab ntawv no yuav suav muaj cov ntaub ntawv tsim nyog tseem ceeb txog kev tuav pov hwm kev noj qab haus huv, xws li kev ceeb toom txog kev teem caij hnub kawg los sis thov cov ntaub ntawv ntawm cov koom haum sawv cev pab cuam hauv cheeb tsam nroog los sis pawg neeg qhab, los sis DHS, xav txuas sij hawm koj qhov kev tuav pov hwm saib xyuas kev noj qab haus huv.

Peb yuav tsis nug txog cov ntaub ntawv tus kheej thiab koj kev koom nrog hauv kev xa ntawv yog kev yeem ntawm tus kheej. Kev xaiv tsis koom nrog yuav tsis muaj qhov cuam tshuam dab tsi txog koj cov kev tsim nyog.

Peb yuav xa tsab ntawv xaiv tsis txais tsab ntawv xub thawj rau cov tib neeg uas muab tus naj npawb xov tooj ntawm tes uas raug hauv daim ntawv thov kev duav roos saib xyuas kev noj qab haus huv. Tej zaum koj yuav teb rov STOP mus rau tsab ntawv xub thawj kom xaiv tsis txais tsab ntawv ntxiv txog koj qhov kev tsim nyog tau txais kev tuav pov hwm kev noj qab haus huv.

Piv txwv tsab ntawv xaiv tawm

Tsab ntawv no yog tuaj ntawm Minnesota Lub Tuam Tsev Hauj Lwm Ntsig Txog Cov Kev Pab Cuam Tib Neeg (Minnesota Department of Human Services, DHS). Tam sim no peb yuav xa ntawv rau koj nrog cov kev hloov pauv uas tseem ceeb thiab tshaj tawm txog koj qhov kev tuav pov hwm kev noj qab haus huv.

Nov yog tib tug naj npawb nkaus xwb uas peb yuav xa tuaj rau koj nrog kev hloov pauv txog koj qhov kev tuav pov hwm kev noj qab haus huv. Yog tias koj tsis xav txais tsab ntawv , teb rov STOP. Cov lus thiab cov ntaub ntawv yuav raug siv.

Rau Cov Kev Tsim Nyog: mn.gov/dhs/health-care/text

Lus nug? Tiv tauj rau peb ntawm tus xov tooj 651-297-3862 los sis 800-657-3672.
STOP, HELP los sis JOIN

Koj tuaj yeem xaiv tsis txais tsab ntawv tau txhua lub sij hawm los ntawm kev xa ntawv STOP rau 28343. Tom qab ntawd xaiv tsis txais, peb yuav xa tsab ntawv txhawm rau lees paub tias koj tau tshem tawm qhov kev tso npe tawm lawm. Tom qab tsab ntawv no tau lees txais, koj yuav tsis tau txais tsab ntawv ntxiv lawm txog koj qhov kev tsim nyog

Yog tias koj ntsib teeb meem txog qhov dej num kev xa ntawv , koj tuaj yeem xa ntawv HELP rau 28343 txhawm rau pab los sis hu mus rau ntawm DHS Txhawb Tus Qhua Saib Xyuas Kev Noj Qab Haus Huv (DHS Health Care Consumer Support, HCCS) ntawm tus xov tooj 651-297-3862 los sis 800-657-3672.

Yog tias koj xav pib txais tsab ntawv dua ib zaug ntxiv, koj tuaj yeem xa ntawv JOIN rau 28343. Koj kuj tseem tuaj yeem tiv tauj peb yog tias koj xaiv tawm thiab hloov siab tau tom qab.
Kev Ceev Ntiag Tug
Qhov Tsim Nyog thiab Cov Cai
Yog tias koj tsis xaiv tawm, koj yuav tau txais cov ntawv qee zaus txog koj qhov kev tsim nyog tau txais kev tuav pov hwm kev noj qab haus huv. Qhov tsim nyog thiab cov cai nram qab no siv rau lub khoos kas xa ntawv:
- Koj tsis pom zoo yuav txais kev xa ntawv tuaj ntawm DHS. Kev xaiv tsis koom nrog hauv lub khoos kas xa ntawv yuav tsis muaj kev cuam tshuam rau koj cov kev tsim nyog.
- Peb yuav xa ntawv rau cov tib neeg uas muab tus naj npawb xov tooj raug nrog daim ntawv thov rau kev duav roos saib xyuas kev noj qab haus huv.
- Koj tuaj yeem xaiv tsis txais kev xa ntawv tau txhua lub sij hawm los ntawm kev xa ntawv STOP rau 28343. Tom qab koj xaiv tawm, DHS yuav xa ib tsab ntawv zaum kawg tuaj txheeb qhia tias koj tau rho npe tawm lawm.
- Koj yuav tau lav ris tus nqi them rau tsab ntawv los sis cov ntaub ntawv los ntawm koj lub chaw muab kev pab cuam uas cuam tshuam nrog tsab ntawv no. Yog tias koj muaj lus nug txog koj kev xa ntawv los sis txoj phiaj xwm txog cov ntaub ntawv, tiv tauj rau tus muab kev pab cuam koj.
- Yog tias koj tsis xaiv tsis txais, tej zaum koj kuj yuav tau txais ob peb tsab ntawv xa uas tuaj ntawm DHS. Tsab ntawv no yuav suav muaj kev ceeb toom txog qhov tsim nyog tseem ceeb ntawm kev tuav pov hwm kev noj qab haus huv, xws li kev ceeb toom txog hnub kawg thiab cov ntaub ntawv ntawm lub koom haum sawv cev hauv cheeb tsam nroog los sis pawg neeg qhab, los sis DHS, xav txuas sij hawm koj qhov kev duav roos saib xyuas kev noj qab haus huv.
- Kev xa ntawv uas koj tau txais tej zaum yuav suav muaj cov ntaub ntawv ntiag tug xws li lub khoos kas saib xyuas kev noj qab haus huv hauv qee yam uas koj tau sau npe rau (Kev Pab Fab Kev Kho Mob (Medical Assistance, MA), MinnesotaCare, Minnesota Lub Khoos Kas Tawm Phiaj Xwm rau Tsev Neeg (Minnesota Family Planning Program), thiab Medicare Lub Khoos Kas Txuag Nyiaj (Medicare Savings Programs)) thiab hnub kawg ntawm koj qhov kev txuas sij hawm. Koj muaj lub luag hauj lwm lav ris rau kev tiv thaiv cov ntaub ntawv hauv koj lub xov tooj.
- Yog tias koj ntsib teeb meem txog kev xa ntawv , koj tuaj yeem xa ntawv HELP rau 28343 txhawm rau pab los sis hu rau HCCS ntawm tus xov tooj 651-297-3862 los sis 800-657-3672.
- Yog tias koj xav pib txais tsab ntawv dua ib zaug ntxiv, koj tuaj yeem xa ntawv JOIN rau 28343. Koj kuj tseem tuaj yeem tiv tauj rau HCCS yog tias koj xaiv tawm los sis hloov siab tom qab.
- DHS yuav ceev koj cov ntaub ntawv kom muaj kev nyab xeeb. Koj lub npe thiab tus naj npawb xov tooj ntawm tes yuav raug tshab xyuas los ntawm DHS cov neeg ua hauj lwm nkaus xwb thiab tus neeg muab ntawv raws li kev tso cai los sis xav tau los ntawm txoj cai.
- Yog tias koj muaj lus nug txog cov ntaub ntawv kev ceev ntiag tug, nyeem peb Kev Ceeb Toom Nqis Tes Ua Ceev Ntiag Tug.

Lus Nug

Yog tias koj muaj lus nug los sis yog xav paub ntau ntxiv, tiv tauj rau HCCS ntawm tus xov tooj 651-297-3862 los sis 800-657-3672.