Primary navigation

    တၢ်ဂ့ၢ်တၢ်ကျိၤဘၣ်ထွဲ P-EBT တၢ်ဆှၢတၢ်ကစီၣ်ခီဖျိလီတဲစိတဖၣ်

    တၢ်ဆါသတြိာ်အဆၢကတီၢ် တၢ်ဆှၢဟ့ၣ်တၢ်န့ၢ်ဘျုးလၢအံၣ်လဲးထြီနံးကျိၤကျဲ (Pandemic Electronic Benefit Transfer (P-EBT)) မ့ၢ်ဝဲဒၣ် တၢ်န့ၢ်ဘျုးတစိၢ်တလီၢ် လၢတၢ်ဟ့ၣ်အီၤဆူ ပှၤမံၣ်နံၣ်စိထၣ် ဟံၣ်ဖိဃီဖိတဖၣ် လၢအအိၣ်ဒီးအဖိအဒိးန့ၢ်ဘၣ်တ့ၢ်လံတၢ်အီၣ် လၢအတလိၣ်ဟ့ၣ် အပှ့ၤ မ့တမ့ၢ် တၢ်ထုးစှၤလီၤဟ့ၣ်အပှ့ၤဖဲအမ့ၢ်လဲၤထီၣ်ကၠိအခါန့ၣ်လီၤ

    မံၣ်နံၣ်စိထၣ်တၢ်ဟ့ၣ်မၤစၢၤ ပှၤကူပှၤကညီဝဲၤကျိၤ (Minnesota Department of Human Services (DHS)) ကဆှၢဟ့ၣ်နၤတၢ်ကစီၣ် ထဲတခီပၤ ခီဖျိလၢ လီတဲစိ (toll-free) နီၣ်ဂံၢ် 1-855-965-0703 ဒ်သိးကဘိးဘၣ်သ့ၣ်ညါဟံၣ်ဖိဃီဖိတဖၣ်လၢ အကဒိးန့ၢ်ဘၣ် P-EBT တၢ်န့ၢ်ဘျုး တဖၣ် အဂီၢ်န့ၣ်လီၤ. မံၣ်နံၣ်စိထၣ်တၢ်ဟ့ၣ်မၤစၢၤ ပှၤကူပှၤကညီဝဲၤကျိၤ (Minnesota Department of Human Services (DHS)) တသံကွၢ် နနီၢ်ကစၢ်တၢ်ဂ့ၢ်တၢ်ကျိၤတဖၣ်ဘၣ် .

    တၢ်ဆှၢတၢ်ကစီၣ်တဖၣ်န့ၣ် ကစးထီၣ်ဆှၢဝဲဒၣ်ဖဲလါမာ်ၡး ၂ဝ၂၁ နံၣ် ဒီးကဆှၢဝဲဒၣ် တုၤလၢ တၢ်ဟ့ၣ်တၢ်န့ၢ်ဘျူးဝံၤခဲလၢာ်တစု န့ၣ်လီၤ. တၢ်တူၢ်လိာ်တၢ်ဆှၢတၢ်ကစီၣ်အံၤ အိၣ်လၢတၢ်သးအိၣ်ဒိးန့ၢ်အဖီခိၣ်န့ၣ်လီၤ.

    ပှၤလၢအဟ့ၣ်လီၤအလီတဲစိနီၣ်ဂံၢ်တဖၣ်ဒီးတဃုထၢလၢတအဲၣ်ဒိးမၤန့ၢ်တၢ်ကစီၣ်ဘၣ်န့ၣ် အကဒိးန့ၢ်ဘၣ်တၢ်ကစီၣ်ဘၣ်ထွဲ P-EBT အတၢ်န့ၢ်ဘျုးတဖၣ်န့ၣ်လီၤ .

    တၢ်ကစီၣ်အဒိ—

    တၢ်ဟ့ၣ်မၤစၢၤ ပှၤကူပှၤကညီဝဲၤကျိၤ (Department of Human Services) ကွဲမုာ်နၤလၢ ကမၤန့ၢ်တၢ်ကစီၣ်အရ့ဒိၣ်ဘၣ်ထွဲ နတၢ်န့ၢ်ဘျုး တဖၣ် န့ၣ်လီၤ. နမ့ၢ်တအဲၣ်ဒိး မၤန့ၢ်တၢ်ကစီၣ်တဖၣ်န့ၣ် ဝံသးစူၤစံးဆၢဆှၢကဒါက့ၤဒီးအိၣ်ပတုာ် (STOP) တက့ၢ်.

    နကဆိကတီၢ်ကွံာ်တၢ်ဆှၢတၢ်ကစီၣ်အံၤအခါဖဲလဲၣ်သ့ထီဘိန့ၣ်လီၤ. ထဲဒၣ်စံးဆၢဆှၢ "STOP" တက့ၢ်. တၢ်ကစီၣ်န့ၣ် ကဘၣ်တၢ်ဆှၢအီၤခီဖျိလၢ နီၣ်ဂံၢ် 1-855-965-0703 န့ၣ်လီၤ. နမ့ၢ်ဆှၢကဒါက့ၤ "STOP" ဆူပအိၣ်လံန့ၣ် ပကဆှၢ ကဒါက့ၤတၢ်ဂ့ၢ်မၤလီၤတံၢ်လၢနတအဲၣ်ဒိးမၤန့ၢ်တၢ်ကစီၣ်လၢၤဘၣ်န့ၣ်လီၤ. ဝံၤအလီၢ်ခံ, နတဒိးန့ၢ်တၢ်ကစီၣ်လၢ ပအိၣ်လၢၤ ဘၣ် န့ၣ်လီၤ.

    နမ့ၢ်အဲၣ်ဒိးပၣ်ဃုာ်အသီတဘျီအဃိ, ကွဲးလီၤ လံာ်ဖျၢၣ် “unstop” ဒီးဆှၢတၢ်ကစီၣ်ဆူ 855-965-0703 တက့ၢ်.

    နလီတဲစိနီၣ်ဂံၢ် မ့ၢ်ဆီတလဲအဃိ, ဆဲးကျၢနဖိအကၠိ လၢကဘှီဘၣ် နတၢ်ဆဲးကျိး တၢ်ဂ့ၢ်တၢ်ကျိၤအဂီၢ်တက့ၢ်.

    နမ့ၢ်လဲၤခီဖျိဘၣ်တၢ်ဂ့ၢ်ကီဘၣ်ထွဲတၢ်ဆှၢတၢ်ကစီၣ်အတၢ်ရဲၣ်တၢ်ကျဲၤအံၤန့ၣ် နကစံးဆၢဆှၢကဒါက့ၤလံာ်မဲာ်ဖျၢၣ် HELP ဒ်သိးက မၤန့ၢ် တၢ်မၤစၢၤ အဂီၢ်သ့ မ့တမ့ၢ် နကဒိးန့ၢ်တၢ်မၤစၢၤလိၤလိၤခီဖျိလၢ DHS.SNAP.SpecialProjects@state.mn.us သ့ မ့တမ့ၢ် ကိးလီတဲစိ ဃ့တၢ်မၤစၢၤလၢနီၣ်ဂံၢ် 651-431-4608 မ့တမ့ၢ် 1-833-454-0153 သ့န့ၣ်လီၤ.

    ပှၤဆှၢတၢ်ကစီၣ်န့ၣ်အမူဒါတအိၣ်တၢ်ကစီၣ်လၢအဆှၢသးစဲၤခံ မ့တမ့ၢ် တတုၤတဖၣ်အဖီခိၣ်ဘၣ်န့ၣ်လီၤ.

    ဒ်အညီနုၢ်အသိး, တၢ်ကစီၣ်လၢတၢ်ဆှၢခီဖျိပှၤဆူနအိၣ် ဒီးလၢနၤဆူပအိၣ်တဖၣ်န့ၣ် ကစူးကါနအ့ၣ်ထၢၣ်နဲးအပှ့ၤန့ၣ်လီၤ. နကဒိးန့ၢ်ဘၣ် တၢ်ကစီၣ် လၢတၢ်ဆှၢလၢပအိၣ် အစှၤကတၢၢ်တလါသၢဘျီန့ၣ်လီၤ. နမ့ၢ်အိၣ်ဒီးတၢ်သံကွၢ်ဘၣ်ထွဲတၢ်ဆှၢတၢ်ကစီၣ်အပှ့ၤ မ့တမ့ၢ် နအ့ၣ်ထၢၣ်နဲး အပှ့ၤန့ၣ် ဂ့ၤဒိၣ်လၢနကဆဲးကျၢနအ့ၣ်ထၢၣ်နဲးအခီပနံာ်န့ၣ်လီၤ.

    နတၢ်သံကွၢ်ဘၣ်ထွဲ နီၢ်ကစၢ်တၢ်ဂ့ၢ် မ့ၢ်အိၣ်တမံၤမံၤန့ၣ် ဝံသးစူၤဖးကွၢ် ပတၢ်သိၣ်တၢ်သီဘၣ်ထွဲနီၢ်ကစၢ်အတၢ်ခူသူၣ်လၢ အအိၣ် ဖဲ https://edocs.dhs.state.mn.us/lfserver/Public/DHS-3979-ENG တက့ၢ်

    တၢ်သိၣ်တၢ်သီဒီးတၢ်ဘျၢတဖၣ်

    P-EBT တၢ်ရဲၣ်တၢ်ကျဲၤကဆှၢဟ့ၣ်နၤတၢ်ကစီၣ်ဘၣ်ထွဲန P-EBT အတၢ်န့ၢ်ဘျုးလၢအလီၢ်အိၣ်တဖၣ်, မ့တမ့ၢ် လၢနမ့ၢ်ဃုထၢလၢ တအဲၣ်ဒိး မၤန့ၢ်တၢ်ကစီၣ်လၢၤဘၣ်န့ၣ်လီၤ. တၢ်ဂ့ၢ်လၢလာ်အံၤမ့ၢ် တၢ်ဂ့ၢ်ဘၣ်ထွဲ တၢ်ကစီၣ် (text messages) လၢ P-EBT ကဆှၢဟ့ၣ်နၤ ဒီး တၢ်ဂ့ၢ်တၢ်ကျိၤဘၣ်ထွဲ ကျဲလၢနကဆိကတီၢ်ကွံာ်တၢ်မၤန့ၢ်တၢ်ကစီၣ် (text messages) အဂီၢ်န့ၣ်လီၤ .

    • တၢ်ကစီၣ် (text messages) တဖၣ် ကဘၣ်တၢ်ဆှၢဆူပှၤတဂၤလၢ်လၢ်လၢအဒိးန့ၢ်ဘၣ် P-EBT တၢ်န့ၢ်ဘျုးလၢ အဟ့ၣ်လီၤ အလီတဲစိနီၣ်ဂံၢ်ဆူ မံၣ်နံၣ်စိထၣ်တၢ်ကူၣ်ဘၣ်ကူၣ်သ့ဝဲၤကျိၤ (Minnesota Department of Education) အအိၣ်န့ၣ်လီၤ.
    • P-EBT ကဆှၢဟ့ၣ်နၤတၢ်ကစီၣ် (text messages) ဒ်သိးကဆဲးကျိးတၢ်ဒီးနၤအဂီၢ် ဒီးလၢဆှၢဟ့ၣ်နၤတၢ်ဂ့ၢ်တၢ်ကျိၤ ဘၣ်ထွဲန P-EBT တၢ်န့ၢ်ဘျုးလၢအရ့ဒိၣ်တဖၣ်အဂီၢ်န့ၣ်လီၤ.
    • နကဘၣ်ဟံးန့ၢ်မူဒါလၢနအ့ထၢၣ်နဲးအပှ့ၤလၢအမ့ၢ်အိၣ်ထီၣ်သးခီဖျိလၢတၢ်ဆှၢတၢ်ကစီၣ်တဖၣ်အံၤအဂီၢ်န့ၣ်လီၤ.
    • နကဒိးန့ၢ်ဘၣ်တၢ်ကစီၣ်တဖၣ်န့ၣ်လီၤ.
    • တၢ်ကစီၣ်လၢနဒိးန့ၢ်ဘၣ်ခီဖျိလၢ P-EBT တၢ်ရဲၣ်တၢ်ကျဲၤတဖၣ်န့ၣ်ကပၣ်ဃုာ်ဒီးနနီၢ်ကစၢ်တၢ်ဂ့ၢ်တၢ်ကျိၤတဖၣ် န့ၣ်လီၤ. လၢတၢ်အံၤအဃိ, နမူဒါအိၣ်လၢ နကကဘၣ်ဒီသဒၢနတၢ်ဂ့ၢ်တၢ်ကျိၤလၢနလီတဲစိအပူၤန့ၣ်လီၤ.
    • နကဃုထၢလၢတမၤန့ၢ်တၢ်ကစီၣ်ခီဖျိ P-EBT တၢ်ရဲၣ်တၢ်ကျဲၤလၢၤဘၣ် ခီဖျိလၢတၢ်ဆှၢကဒါက့ၤ တၢ်ဆှၢန့ၢ်နၤ တၢ်ကစီၣ် (text message) လၢ ပတုာ် (STOP) သ့ ထီဘိ န့ၣ်လီၤ. နမ့ၢ်ဃုထၢလၢတဒိးန့ၢ် တၢ်ကစီၣ်ခီဖျိ P-EBT တၢ်ရဲၣ်တၢ်ကျဲၤအအိၣ်လၢၤ ဘၣ်န့ၣ်, နတဒိးန့ၢ်ဘၣ်လၢၤစ့ၢ်ကီး တၢ်ကစီၣ် ဂုၤဂၤ လၢဟဲခီဖျိလၢ P-EBT အအိၣ်ဘၣ် မ့တမ့ၢ်လၢ နဆှၢလံာလၢ အအိၣ်ဒီးလံာ်ဖျၢၣ် “unstop” ဆူ 855-965-0703ဘၣ်န့ၣ်လီၤ.
    • တလိၣ်လၢ နကဘၣ်မၤန့ၢ်တၢ်ကစီၣ်ခီဖျိလၢ P-EBT တၢ်ရဲၣ်တၢ်ကျဲၤအံၤဘၣ်, ဒီးနမ့ၢ်ဆၢတဲာ်လၢ တအဲၣ်ဒိးမၤန့ၢ် တၢ်ကစီၣ်အံၤဘၣ်န့ၣ် အတမၤဘၣ်ဒိနတၢ်န့ၢ်ဘျုး မ့တမ့ၢ် တၢ်မၤစၢၤတဖၣ်ဘၣ်န့ၣ်လီၤ.
    • P-EBT တၢ်ရဲၣ်တၢ်ကျဲၤကကတီၤဃာ်တၢ်ဂ့ၢ်တၢ်ကျိၤလၢပဒိးန့ၢ်ဘၣ်တဖၣ်ဂ့ၤဂ့ၤန့ၣ်လီၤ နမံၤဒီးနလီတဲစိနီၣ်ဂံၢ်န့ၣ်ပှၤကထံၣ် အီၤအိၣ် ဝဲဒၣ်ထဲ P-EBT အပှၤမၤတၢ်ဖိဒီး P-EBT အပှၤဆှၢတၢ်ကစီၣ်န့ၣ်လီၤ. တၢ်မၤန့ၢ် လံာ်ဘိးဘၣ်သ့ၣ်ညါဘၣ်ထွဲတၢ်မၤ အကျိၤအကျဲ ဘၣ်ထွဲ နီၢ်ကစၢ်တၢ်ဂ့ၢ်တၢ်ခူသူၣ် အလၢအပှဲၤ သ့ဖဲ https://edocs.dhs.state.mn.us/lfserver/Public/DHS-3979-ENG န့ၣ်လီၤ.
    • P-EBT တၢ်ရဲၣ်တၢ်ကျဲၤကဆိကတီၢ်ဆှၢနၤတၢ်ကစီၣ်အခါဖဲလဲၣ်သ့ထီဘိန့ၣ်လီၤ P-EBT တၢ်ရဲၣ်တၢ်ကျဲၤကဆဲးကျိးနၤခီဖျိ လီတဲစိ မ့တမ့ၢ် ကဆှၢနၤလံာ်ပရၢ မ့တမ့ၢ် လီပရၢ တမံၤလၢ်လၢ်လၢနဟ့ၣ်ဃာ်လၢ မံၣ်နံၣ်စိထၣ်တၢ်ကူၣ်ဘၣ်ကူၣ်သ့ ဝဲၤကျိၤ (Minnesota Department of Education) အအိၣ်ဒ်သိးကဆဲးကျိးနၤသ့အဂီၢ်သ့န့ၣ်လီၤ.
    • ပှၤဟ့ၣ်လီတဲစိတၢ်မၤတဖၣ်တလိၣ်ဟံးန့ၢ်မူဒါလၢတၢ်ကစီၣ်ဆှၢသးစဲၤခံ မ့တမ့ၢ် တတုၤအဂီၢ်ဘၣ်.

    ကျဲလၢကဆဲးကျိးသံကွၢ်တၢ်လၢပအိၣ်

    ဝံသးစူၤဆဲၤကျိး မံၣ်နံၣ်စိထၣ်တၢ်ဟ့ၣ်မၤစၢၤ ပှၤကူပှၤကညီဝဲၤကျိၤ (Minnesota Department of Human Services) ဖဲ 651-431-4608, 1-833-454-0153 မ့တမ့ၢ် DHS.SNAP.SpecialProjects@state.mn.us တက့ၢ်.

    back to top